Binnenshuise hokkiespanne in Nkosibeker finaalDecember 18, 2023

Namibië se binnenshuise manshokkiespan het hul plek in die eindstryd van die Nkosibeker bespreek wat in Kaapstad gespeel word, ná ’n skitterende sege van 5-2 teen Suid-Afrika Sondagmiddag en ’n sege van 6-2 teen die VSA in die groepwedstryde. Namibië is tweede op die punteleer en hulle sal in die eindstryd teen die eerste geplaaste Suid-Afrika te staan kom. Die Namibië binnenshuise vrouehokkiespan is ook tweede op die punteleer nadat hulle Ierland vanmiddag met 2-1 geklop het. Die Namibiërs het een groepwedstryd oor teen Suid-Afrika, voor die eindstryd môre-aand waar hulle weer met Suid-Afrika sal kragte meet. Kiana-Che Cormack het twee doele vir Namibië aangeteken en is bo-aan die algehele doele-lys, met sewe doele in drie wedstryde.