Nog ‘n miljoen SIM-kaarte ongeregistreerDecember 24, 2023

Die Kommunikasie Regulerende Owerheid van Namibië, of Cran, sê 57,6 persent aktiewe SIM-kaarte is teen Vrydag geregistreer. Dit is ‘n verbetering op die 43 persent wat op 30 November geregistreer was, maar daar is nog sowat ‘n miljoen SIM-kaarte wat geregistreer moet word. Wanneer ‘n SIM-kaart nie teen die sperdatum van 31 Desember geregistreer is nie, sal dit gedeaktiveer word. Verbruikers sal egter ‘n grasietydperk van drie maande vanaf die deaktiveringsdatum hê om hul SIM-kaart te registreer en hul selfoonnommer te behou.