13 Grieke in hegtenis oor brand na vuurwerkeJune 23, 2024

Dertien mense is in hegtenis geneem ná ‘n bosbrand op die Griekse eiland Hydra. Volgens owerhede het dit ontstaan nadat vuurwerke vanaf ‘n seiljag gelanseer is. Die brand het die enigste dennewoud op die bekende toeriste-eiland in puin gelê. Dit is met moeite onder beheer gebring omdat daar geen paaie na die strand is nie. Brandbestryders het dit per see bereik, terwyl helikopters water uit die lug laat val het. Die Griekse brandweerdiens sê al 13 verdagtes is Griekse burgers.