Britse regering soek konsultant om migrante huis toe te stuurAugust 30, 2024

Die Arbeidersregering in Brittanje beplan ‘n groot toename in die terugstuur van onregmatige migrante na hulle eie lande terwyl hulle probeer om die asielagterstand uit te wis. Die ministerie van Binnelandse Sake adverteer ‘n kontrak vir kommersiële vennote om te help met die herintegrasie van mense wat nie die reg het om in Brittanje te woon nie. Die advertensie lui die ministerie wil diensverskaffers uitken wat migrante kan help om uit die Verenigde Koninkryk terug te keer na elf verskillende lande. Die lande is Albanië, Bangladesj, Ethiopië, Ghana, Indië, Irak, Jamaika, Nigerië, Pakistan, Vietnam en Zimbabwe.