Popcru soek koördinering in strafregstelsel om misdaad te bestryAugust 31, 2024

Die polisievakbond, Popcru, sê hy is ontsteld oor die jongste misdaadstatistieke, wat ‘n gemiddeld toon van 500 moorde per week en 129 seksuele oortredings elke dag. Volgens die vakbond wys die syfers op ernstige kapasiteitskwessies in die Suid-Afrikaanse Polisiediens, wat vererger word deur ‘n oneweredige toekenning van hulpbronne en onvoldoende opleiding. Die woordvoerder van Popcru, Richard Mamabolo, vra ‘n gekoördineerde benadering in die strafregstelsel om oorkoepelende misdaadbestrydingspogings te verbeter.