Nog geen datum vir kerngesprekke tussen VSA, IranJuly 14, 2025

Iran sê daar is geen spesifieke datum vir ‘n vergadering met Amerika oor Teheran se kernprogram nie, nadat ‘n oorlog met Israel die onderhandelings ontspoor het. Iran het met Amerika onderhandel voor Israel verlede maand sy kernaanlegte begin teiken het. Die VSA het sy eie aanvalle op Iran se kernprogram afgevuur, met die uraanverrykingsaanleg by Fordo, in die Qom-provinsie suid van Teheran, asook die kernaanlegte in Isfahan en Natanz, wat gebombardeer is. Die omvang van die skade ná die aanvalle is steeds nie bekend nie.