Oliepryse daal effe na Trump se 50-dag sperdatum July 15, 2025

Oliepryse het vanoggend met meer as 2,5 persent gedaal nadat die Amerikaanse president Donald Trump se lang sperdatum van 50 dae vir Rusland om die oorlog in die Oekraïne te beëindig en sanksies te vermy, onmiddellike kommer oor voorraad verlig het. Brent is net onder 69 Amerikaanse dollar ‘n vat. Oliepryse het aanvanklik gestyg op die nuus van moontlike sanksies, maar het later daardie winste prysgegee namate die 50-dae-sperdatum hoop laat ontstaan het dat sanksies vermy kon word. China, Indië en Turkye is die grootste kopers van Russiese ru-olie. Die lande sal die voordele van die koop van afslag op Russiese ru-olie moet opweeg teen die koste van hul uitvoere na die VSA.