Vermeende Britse pedofiel hoor vandag oor borgJuly 18, 2025

Douglas Brooks, die Britse toeris wat na bewering naakfoto’s van San-kinders in Tsumkwe geneem het, sal vandag hoor of hy borgtog toegestaan is. Hy het in die Grootfontein landdroshof aangebied om 50 000 Namibiese dollar te betaal. Staatsaanklaer Kristiana Erastus het borgtog teengestaan en gesê die beweerde slagoffers kry steeds berading, en Brooks is ‘n vlugrisiko. Landdros Boniface Konga sal na verwagting vandag uitspraak lewer. Thomas Andima het vir Brooks verskyn.