Leeus-toer in Aus behels 53 vragmotor-ritte, 11 000kmJuly 29, 2025

Rugby: Die Britse en Ierse Leeus se toer in Australië word bestempel as ‘n reuse-onderneming. Die bestuurder van logistiek, Tom Day, het aan BBC Sport gesê hulle moes die spelers en ondersteuningsgroep na en van die suidelike halfrond en reg oor die reuse vasteland vervoer met 10-ton bagasie. Dit het vier stelle identiese oefenstelle en ‘n skrumslee ingesluit. Die algehele plan het 53 vragmotor-ritte oor meer as 11 000 kilometer behels. Die toer eindig Saterdag in Sydney met die derde toets teen die Wallabies.