Shell staak besteding op eksplorasie in Oranje-bekkenAugust 4, 2025

Shell sê dat hy steeds ontwikkelings in Namibië se oliesektor monitor, maar die land is nie meer een van sy topprioriteite vir eksplorasiebesteding nie,  aangesien hy ‘n meer versigtige en gefokusde globale benadering volg. Namibia Mining and Energy berig die uitvoerende hoof, Wael Sawan, sê Shell is selektief oor waar hy belê, en Namibië is nie tans op die lys van gebiede waaraan groot nuwe befondsing gerig word nie. Hy sê die benadering is om te kyk wat ander doen. Shell het  fokus verskuif na gebiede waar hy reeds bates en ‘n bewese rekord het.