Chicago Bar-skieter se hofsaak uitgestelAugust 19, 2025

Die saak van die 30-jarige Gabes Shiimi, wat daarvan beskuldig word dat hy ‘n wapen buite ‘n kroeg afgevuur het en die 35-jarige Nande Simon Molukoshi in Windhoek op 15 Junie doodgeskiet het, is tot 15 Oktober uitgestel. Die Staat beweer dat Shiimi Molukoshi onwettig en opsetlik met ‘n wapen op 15 Junie by die Chicago Bar in Onafhanklikheidsrylaan doodgeskiet het. Hy was blykbaar betrokke by ‘n bakleiery by die kroeg en is uitgesit. Hy het teruggekeer met ‘n wapen en begin skiet. Hy het gevlug en is later by ‘n padblokkade aangekeer vir dronkbestuur. Hy bly in aanhouding.