Gondwana beplan hotel vir WalvisAugust 20, 2025

Gondwana Collection beplan ‘n nuwe hotel met 24 kamers op Walvisbaai. Die eiendom is aangekoop en raadsgoedkeurings is verseker, maar volgens uitvoerende hoof Gys Joubert, is hulle nog nie in die finale fase nie. Hy het aan The Brief gesê die volgende stap is die ontwerp en bou van die hotel, wat ook onderhewig is aan al die nodige goedkeurings. Die finale koste moet ook beslis word vir goedkeuring. Die hotel sal na verwagting groter, woonstelstylkamers hê wat op toeriste, sakereisigers en langtermynverblyfgaste gemik is.