Mediese fondse moet lede bevoordeel, nie administrateursAugust 20, 2025

Die Namibiese Privaatpraktisynsforum kritiseer weereens die Namibiese Vereniging van Mediese Hulpfondse omdat hulle belangrike post-Covid-gesondheidsorgtendense in hul beleidsbesluite verwaarloos. Die Forum se uitvoerende hoof, dr. Jürgen Hoffmann, het voorspelbare drywers van stygende gesondheidsorgbenutting uitgelig wat geïgnoreer is ten spyte van wêreldwye data wat hierdie tendense bevestig. Dit sluit in uitgestelde elektiewe prosedures en ‘n toename in nuwe gesondheidsorgverskaffers. Hoffmann het met Kosmos 94.1 Nuus gesels.