Sankwasa wou Stad Windhoek raadslede afdank August 20, 2025

Die stedelike ontwikkelingsminister James Sankwasa sê as Stad Windhoek se raadslede meer as ‘n jaar oor gehad het in hulle poste, het hy hulle tydens sy vergadering Maandagmiddag afgedank. Hy het met The Namibian gepraat en sê die stad se bestuur is ondoeltreffend, betrokke by binnegevegte en lewer nie dienste aan inwoners nie. Hy het hulle oor die kole gehaal tydens die vergadering, wat ses ure geduur het. Hy sê hulle stel meer belang in hulle politieke partye as in die stad.