Chinatown-werkgewer moet skadevergoeding betaal August 24, 2025

Die Hoërhof het Vrydag ten gunste van ‘n Namibiese vrou beslis en haar voormalige werkgewer in China Town in Windhoek gelas om skadevergoeding van 230 000 Namibiese dollar te betaal. Die Chinees, Li Bailong, het Itakeya George se klere in 2021 in die openbaar van haar afgestroop ná hy haar afgedank het. Regter Thomas Masuku het beslis George se grondwetlike regte is geskend. Li moet ook haar regskoste betaal.