Miljoenêrs neem toe in NamibiëAugust 29, 2025

Miljoenêrs in Namibië het met 28 persent oor die afgelope dekade toegeneem tot 2 500, wat die land onder Afrika se vinniger groeiende welvaartsentrums plaas. Henley & Partners meet ‘n miljoenêr in Amerikaanse dollar en vanaf 1 miljoen Amerikaanse dollar. Volgens die jongste verslag van Henley & Partners is daar ook vier sentimiljoenêrs wat in Namibië woon. ‘n Sentimiljoenêr het ten minste 100 miljoen Amerikaanse dollar. Oor die vasteland is daar 122 500 miljoenêrs, 348 sentimiljoenêrs en 25 miljardêrs. Suid-Afrika het 41 100 miljoenêrs, 112 sentimiljoenêrs en agt miljardêrs. Egipte volg met 14 800 miljoenêrs en sewe miljardêrs. Namibië se groei vergelyk met Mauritius, op 63 persent. Nigerië en Angola het skerp dalings van 47 en 36 persent aangeteken.