Wetenskap moet besluite by Leonardville dryf – AupindiSeptember 1, 2025

Wetenskaplike bewyse behoort die sleutelfaktor te wees in die bepaling van die aanvang van die voorgestelde Uranium One-projek by Leonardville, eerder as teenstrydige menings. Dit is die mening van die voorsitter van die Parlementêre Staande Komitee oor Natuurlike Hulpbronne, Tobie Aupindi. Hy het besoek afgelê by Leonardville rakende die ontginning van uraan. Hy sê dat beide landbou en mynbou saam moet bestaan om die lewenstandaard van baie plaaslike mense te verbeter. Die komitee sal ook ondersoek instel na waarom die waterpermit herroep is en na vier jaar nie weer uitgereik is nie.