Aochamub is nuwe Meatco tussentydse uitvoerende hoofSeptember 2, 2025

Meatco het Albertus Aochamub as sy tussentydse uitvoerende hoof aangestel, met ingang vandag, 2 September 2025. Sy ses maande-aanstelling volg op ‘n aandeelhouersnominasie en goedkeuring deur die Meatco-raad. Aochamub neem oor by Kingsley Kwenani, wat as waarnemende uitvoerende hoof gedien het vanaf 15 Julie tot sy termyn op 31 Augustus verstryk het. Meatco sê Aochamub het uitgebreide ervaring in uitvoerende leierskap, bestuur, ekonomiese diplomasie, waardekettingontwikkeling en agro-industriële strategie. Met ‘n bewese rekord in institusionele hervormings, uitvoer-geleide groei en posisionering van Namibië in wêreldmarkte, sal hy na verwagting Meatco lei tot operasionele stabiliteit en langtermyn volhoubaarheid.