NamWater vorder met verskeie waterprojekteSeptember 2, 2025

NamWater gaan voort met verskeie projekte, insluitend die Okavango-skakelpyplyn, nuwe ontsoutingsaanlegte aan die kus en Lüderitz, en ‘n 20 000 kubieke meter bergingsreservoir by Swakopmund, om watersekerheid vir die mynbousektor te versterk. Van die projekte is reeds in ‘n gevorderde stadium. NamWater bedryf 213 watervoorsieningskemas landwyd, ondersteun deur 377 reservoirs, 208 boorgate en 422 kilometer kanale. In die afgelope finansiële jaar het hy 15,6 miljoen kubieke meter water aan myne verskaf, met Husab wat 8,5 miljoen kubieke meter verbruik het.