Prysmonster dors vir hardehoutSeptember 12, 2025

Inflasie vir ietsie koel met skop het verlede maand tot 5,3 persent gestyg, op van 4,4 persent ‘n jaar gelede. Die prysmonster het die grootste sluk uit brandewyn geneem, met inflasie vir dié drank wat op ‘n jaargrondslag tot 5,8 persent geklim het. Bier en siders is op van 3,9 persent tot 5,3 persent, terwyl wit spiritualieë se inflasiekoers 4,2 persent was. Inflasie vir tabak het jaar-op-jaar tot 6,6 persent opgevlam, en dié van pyptabak tot 11,9 persent.