Geskikte datum vir NNN se besoek aan Indië word gereëlSeptember 13, 2025

Die kabinet het die internasionale betrekkinge-ministerie opdrag gegee om ‘n geskikte datum vir president Netumbo Nandi-Ndaitwah se besoek aan Indië te reël voor die einde van die jaar. Die besoek sal die saamroep van die Namibië-Indië gesamentlike kommissie van samewerking insluit, en volg op Indiese premier Narendra Modi se staatsbesoek aan Namibië. Die ministerie sal ook die 4de gesamentlike handelskomitee saamroep en werk aan die instelling van die Namibië-Indië besigheidsforum. Die kabinet het alle kantore, ministeries en agentskappe gerig om die afsluiting van hangende ooreenkomste oor kuberveiligheid, digitale transformasie, kultuur en klein ontwikkelingsprojekte te bespoedig.