Bitter min gekeur vir Jeugfonds-hulpSeptember 15, 2025

Die finansministerie het bevestig dat die Nasionale Jeugontwikkelingsfonds later vandeesmaand van stapel gestuur gaan word, maar net 42 van die sowat 13 700 aansoeke van jong entrepreneurs gaan aanvaar word. Die regering het 257 miljoen Namibiese dollar vir die inisiatief begroot, maar al die geld kan nie met die wegspring gebruik word nie, het die ministerie aan The Namibia gesê. Begunstigdes kan vir lenings van tot een miljoen dollar in aanmerking kom, sonder enige sekuriteit en teen ‘n rentekoers van tussen twee en vier persent.