Publiek moet onwettige kragaansluitings teenstaan: EskomSeptember 15, 2025

Eskom vra die publiek om onwettige kragaansluitings en elektrisiteitsdiefstal teen te staan. Woordvoerder Daphne Mokwena sê hierdie bedrywighede skaad kraglewering en bedreig openbare veiligheid. Sy sê elektrisiteit moet slegs van Eskom-goedgekeurde voorsieners gekoop word, en kliënte word aangemoedig om hulle kragverbruik te reguleer. Mokwena sê dit is noodsaaklik om veilige, betroubare en regverdige toegang tot elektrisiteit vir almal te bied.