Twee tronk toe oor ‘heksery’ in ZambiëSeptember 16, 2025

‘n Zambiese hof het twee mans tot twee jaar gevangenisstraf gevonnis omdat hulle probeer het om president Hakainde Hichilema dood te maak met behulp van heksery. Leonard Phiri en die Mosambieker Jasten Mabulesse Candunde is onder die Hekserywet skuldig bevind nadat hulle in Desember in hegtenis geneem is met sogenaamde toorgoed in hul besit, waaronder ‘n verkleurmannetjie. Die staat het beweer dat hulle deur ‘n voortvlugtende voormalige parlementslid gehuur is om Hichilema te betower, maar hulle het daarop aangedring dat hulle tradisionele genesers is. Die landdros het gesê die wet is ontwerp om die samelewing te beskerm teen vrees en skade wat veroorsaak word deur diegene wat beweer dat hulle die mag het om heksery uit te voer.