AfriForum, Solidariteit se VSA-besoek ‘misleidend’, sê ministerSeptember 21, 2025

Die minister van internasionale betrekkinge en samewerking, Ronald Lamola, sê AfriForum en Solidariteit se beplande VSA-afvaardiging is misleidend. Die groepe sê hulle beoog om belanghebbendes te ontmoet om vir Suid-Afrika te pleit. Vroeër vanjaar het AfriForum na die VSA gereis en bewerings gemaak oor Afrikaner-volksmoord en grondonteiening sonder vergoeding. Lamola het in ‘n onderhoud met die SABC News in New York gesê hulle probeer die land negatief uitbeeld.