Groot kommer oor afleggings in Suid-AfrikaSeptember 22, 2025

Die parlementêre gekose komitee oor Ekonomiese Ontwikkeling en Handel vra die regering om dringend ʼn nasionale krisisberaad oor werksverliese te hou. Coca-Cola Beverages South Africa is die jongste maatskappy wat afleggings aangekondig het en beplan om 680 mense af te lê en aanlegte in Bloemfontein in die Vrystaat en Oos-Londen in die Oos-Kaap te sluit. Die buitebandreus Goodyear en Ford Motor-maatskappy Suid-Afrika het ook vanjaar werkers afgelê. Die komitee sê massa-afleggings en groot maatskappye wat afskaal, het heeltemal te algemeen in die land geword.