Malaria-voorkoming struikel weens swak ingeligte inwonersSeptember 24, 2025
Die gesondheidsminister Esperance Luvindao sê tussen Januarie en September vanjaar is 95 412 gevalle van malaria aangemeld met 154 sterftes. Daar is groot kommer uitgespreek omdat die uitbreking beperk kon word as daar beter dekking was. In Kavango Wes het die streek net 52 persent dekking bereik omdat inwoners binnenshuise besproeiing weier. Luvindao het ‘n beroep op goewerneurs, veral Verna Sinimbo van Kavango Wes gedoen om inwoners beter in te lig sodat spanne toegang tot wonings kan kry. Daar is ook jaar op jaar inwoners wat muskietnette eerder gebruik om vis te vang.