Coetzee skuldig aan bedrogSeptember 25, 2025

Die 52-jarige Maria Johanna Coetzee, die voormalige finansiële bestuurder van die Windhoek Internasionale Skool, is skuldig bevind aan bedrog van net minder as 2,8 miljoen Namibiese dollar. Sy het tussen Maart en Oktober 2018 die geld vanaf die skool se rekening na haar persoonlike rekeninge oorgeplaas. Waarnemende regter Makapa Simasiku het haar in die Windhoek hoërhof skuldig bevind op 19 aanklagte van bedrog, diefstal en geldwassery. Coetzee het skuldig gepleit op al die klagte. Sy het getuig sy het verskeie gediagnoseerde geestesversteurings en is verslaaf aan aanlyn dobbelary. Sy sal weer op 1 Oktober verskyn vir haar voorvonnisverhoor.