Meatco, beesboere in vir ‘n hupstoot van Wulff & CoSeptember 30, 2025

Noorweë se grootste invoerder en grootmaat-handelaar van premium vleis, Wulff & Co, het aangedui dat dit gereed is om meer as 800 ton Namibiese beesvleis en verwante produkte van Meatco te verkry. Die maatskappy is sedert verlede jaar ‘n Meatco-kliënt en het reeds sowat 215 ton top-kwaliteit beesvleis van Namibië gekoop. Die produkte was hoofsaaklik premium vakuum-verkoelde primêre snitte soos fillet, ribeye, lendestuk en binneboud. ‘n Afvaardiging van senior bestuurders van die Noorweegse maatskappy het met Meatco se tussentydse uitvoerende hoof Albertus Aochamub in Windhoek vergader, waar ekstensiewe beraadslaging oor gesamentlike bemarking en handelsplanne vir volgende jaar plaasgevind het.