Dodetal tans op 60 na 6,9 aardbewing in FilippyneOctober 1, 2025

Minstens 60 mense is dood en 147 beseer in ʼn aardbewing van 6,9 in sentraal-Filippyne. Die aardbewing het aan die kus by Cebustad plaasgevind. Die sterk skudding het kragonderbrekings veroorsaak, geboue en huise se mure laat ineenstort en grondstortings laat ontstaan. Die streek was besig om te herstel van ʼn storm wat die sentrale gebied Vrydag geteister het. Die Filippyne loop gereeld deur onder aardbewings en vulkaniese uitbarstings weens sy ligging in die Stille Oseaan se “Ring van Vuur”, waar tektoniese plate bots.