Denemarke wil sosiale media vir o-15’s verbiedOctober 8, 2025

Deense premier Mette Frederiksen sê die land sal sosiale media vir onder-15’s verbied, en beskuldig selfone en sosiale netwerke daarvan dat hulle ‘ons kinders se kinderjare gesteel’ het. Sy het die aankondiging tydens die opening van die Deense parlement gemaak en gesê dat ‘n monster losgelaat is. Frederiksen het bygevoeg dat daar nog nooit tevore soveel kinders en jongmense aan angs en depressie gely het nie, terwyl baie kinders ook probleme het om te lees en konsentreer. Daar sal ‘n opsie wees vir ouers om hul kinders toestemming te gee om sosiale media vanaf 13-jarige ouderdom te gebruik. Daar word gehoop dat die verbod reeds volgende jaar in werking sal tree.