Savanna wik en weeg oor Noorse kwota October 14, 2025

Savanna Beef sê hy het nog nie besluit of hy aansoek sal doen vir ‘n deel van Namibië se 1 600 metrieke ton Noorse beesvleiskwota vir 2026 nie. Volgens die raadsvoorsitter Mecki Schneider is dit nog onder oorweging en ‘n besluit sal binnekort gemaak word. Schneider het vroeër aan Kosmos 94.1 Nuus bevestig dat unieke uitvoermarkte ondersoek word maar die Lewendehawe en Lewendehawe Produkteraad het nuwe toetreders tot die mark uitgenooi om aansoek te doen. The Brief berig Meatco het die meerderheid van die Noorse kwota vanjaar ontvang, 1 200 ton, terwyl Beefcor 400 ton ontvang het. Meatco was oor die jare die hoofverskaffer van Namibiese beesvleis aan Noorweë en het tussen 2013 en 2020, 10 400 ton gelewer kragtens ‘n kabinetsbevel.