Stad Whk verwyder rioolblokkeringOctober 15, 2025

Die Stad Windhoek het bevestig dat hulle ‘n rioolblokkering in sentraal-Katutura suksesvol oopgemaak het. Woordvoerder Lydia Amutenya sê munisipale spanne is na die betrokke gebied gestuur om normale rioolvloei te herstel en die terrein skoon te maak. Sy het egter kommer uitgespreek oor voortdurende vandalisme wat die stad se riool-infrastruktuur teiken. Amutenya sê ernstige vandalisme van rioolpype en mangate is gevind, wat bydra tot herhaalde blokkasies. Katutura-inwoners het Maandag riool voor die Stad se kliëntedienssentrum in Katutura gestort om aandag te vestig op die probleem.