Groot uitdagings met NamPost se toelaagbetalingsOctober 16, 2025

Dit wil voorkom asof NamPost se ingefaseerde uitrol van toelaagbetalings in chaos ontaard het. Plaaslike media berig veral pensioenarisse is vir twee dae by uitbetalingspunte in vyf streke. Daar is ook geen toiletgeriewe by van die punte nie. By die Epupa-kiesafdeling moes bejaardes twee dae wag en sommiges is steeds nie betaal nie. Okahandja het ook reuse-uitdagings gehad. NamPost sê dit was ‘n loodsfase om te bepaal hoeveel begunstigdes opdaag en die stelsels te toets. Meer spanne sal ontplooi word en water en toilette sal voorsien word.