Whk-bouplanne vertoon baie goed in SeptemberOctober 21, 2025

Op ‘n maandelikse basis het Windhoek se goedgekeurde bouplanne ‘n indrukwekkende toename van 28,4 persent vanaf Augustus 2025 aangeteken, van 176 tot 226 goedkeurings. In sy ontleding sê Simonis Storm verder dat Swakopmund ‘n beskeie maandelikse toename van 4,9 persent ervaar het, met goedkeurings wat van 81 tot 85 toegeneem het. Van Januarie tot September 2025 het Windhoek gemiddeld 177 goedkeurings per maand ontvang, terwyl Swakopmund gemiddeld 70 ontvang het. Die verskil beklemtoon Windhoek se rol as Namibië se primêre stedelike groeisentrum.