VSA se aksies in Venezuela kan menseregte skendOctober 22, 2025

Menseregtekenners van die Verenigde Nasies waarsku dat die Verenigde State se geheime optrede en dreigemente om gewapende mag teen Caracas te gebruik, Venezuela se soewereiniteit en die VN-handves skend. Die Amerikaanse president, Donald Trump, voer ‘n militêre veldtog uit wat volgens hom daarop gemik is om die vloei van dwelms uit Latyns-Amerika na die Verenigde State te smoor. Minstens ses vaartuie, meesal snelbote, is sedert September deur Amerikaanse aanvalle in die Karibiese Eilande geteiken, maar Washington het nie bewyse gelewer dat die 27 mense wat tot dusver dood is, dwelmsmokkelaars was nie.