Gibson-Park sê wedstryd teen All Blacks is ‘broederlike wedywering’ October 23, 2025

Ierland se Nieu-Seeland-gebore skrumskakel, Jamison Gibson-Park, beskryf volgende naweek se toets teen die All Blacks in Chicago in die VSA as broederlike wedywering. Hy het in 2019 gekwalifiseer om Ierland te verteenwoordig nadat hy drie seisoene vir Leinster gespeel het, en het sedertdien sy aangenome land in 43 toetse verteenwoordig. Gibson-Park sê hy wil altyd deel van hierdie tweestryd wees. Na hierdie wedstryd, speel Ierland tuis teen Japan, Australië en die Springbokke op agtereenvolgende naweke.