Kafka-brief gaan onder die hamerJune 30, 2024

’n Brief van Franz Kafka waarin hy vir ’n vriend sê dat hy nie meer kan skryf nie, word 100 jaar ná sy dood op ’n veiling aangebied, met ’n skatting van tot 114 000 Amerikaanse dollar wat behaal kan word. Kafka, een van die 20ste eeu se grootste skrywers, het die brief aan die Oostenrykse digter en uitgewer Albert Ehrenstein geskryf. Dit is net een bladsy lank en in Duits en net met Kafka onderteken. Hy sê daarin hy het in drie jaar niks geskryf nie. Die 1920-brief is vanaf ‘n sanatorium in Merano in Noord-Italië, volgens die veilinghuis Sotheby’s. Kafka is in 1917 met tuberkulose gediagnoseer, wat hy nie in die brief bespreek nie.