Dangote wil brandstof in streek, vanaf Namibië verspreiJuly 10, 2025

Nigerië se Dangote-petroleumraffinadery beplan om stoortenks in Namibië te bou om ten minste 1,6 miljoen vate petrol en diesel te berg, met die doel om geraffineerde brandstof aan Suider-Afrika te verskaf. Volgens Reuters beklemtoon die stap die raffinadery se ambisie om brandstofvoorraad in Afrika en verder te oorheers, wat moontlik energiehandelsvloei in die streek sal hervorm en toegang tot geraffineerde produkte vir Suider-Afrikaanse lande sal bevorder. Die raffinadery se eienaar, miljardêr Aliko Dangote het op 19 Junie ‘n hoflikheidsbesoek aan president Netumbo Nandi-Ndaitwah gebring. Die stoortenks sal gebruik word om petrol en diesel aan Botswana, Namibië, Zambië en Zimbabwe te verskaf. Dangote oorweeg ook om brandstof aan die suidelike Demokratiese Republiek van die Kongo te verskaf.