Rugby: Argentinië verander span teen All Blacks August 16, 2025

Argentinië sal met ‘n veranderde span teen die All Blacks te staan kom in vanaand se Rugbykampioenskaps-toets in Cordoba. Hoofafrigter Felipe Contepomi het sy span herrangskik nadat hy spelers roteer het in hulle laaste drie toetse teen Engeland en Uruguay. Daar is tien veranderings aan die groep wat Uruguay 52-17 geklop het. Santiago Chocobares, Bautista Delguy, Marcos Kremer en Juan Cruz Mallia, wat almal vir Franse spanne speel, is terug nadat hulle die halfjaar-toetse misgeloop het. Die wedstryd skop vanaand 23:10 Suid-Afrikaanse tyd af.