Rugby: Leë sitplekke op Elllispark verwag August 16, 2025

Ellispark gaan na verwagting nie stampvol wees wanneer die Springbokke en die Wallabies mekaar vandag pak in die eerste ronde van die Rugbykampioenskap nie. ‘n Paar duisend kaartjies was laat gister nog beskikbaar vir die stadion met 62 000 sitplekke, teen tussen 1 050- en 4 000 rand. SA Rugby se uitvoerende hoof, Rian Oberholzer, is egter tevrede dat hulle die skare-teiken van 85 persent bereik het om die boeke te laat klop. Afskop is 17:10 vanmiddag, gevolg deur die wedstryd tussen Argentinië en Nieu-Seeland tien oor elf in Cordoba.