Vermiste vlieënier langs Durban-kus steeds soek August 17, 2025

Die Nasionale Seereddingsinstituut sê daar is geen nuwe verwikkelinge in die voortgesette soektog langs Durban se Noordkus na die 61-jarige vermiste Suid-Afrikaanse Lugdiens- en akrobatiese vlieënier Andrew Blackwood-Murray van Johannesburg nie. Blackwood-Murray se ligte vliegtuig was deel van ‘n lugvertoning by Noord-strand naby die Suncoast Casino toe dit Donderdag in die see gestort het. Die instituut se woordvoerder, Craig Lambinon, sê die soek- en bergingsoperasie, gelei deur polisieduikers, duur voort. Hy sê gevorderde tegnologie en soektegnologie word steeds ontplooi.