Luukse huismark daal skerp in tweede kwartaalSeptember 10, 2025

Namibië se luukse huismark het in die tweede kwartaal van 2025 verlangsaam, met slegs ses transaksies landwyd aangeteken. Pryse het ook volgens FNB met 32,5 persent gedaal. In die klein, medium en groot segmente het 545, 182 en 28 transaksies plaasgevind met kleinhuispryse wat met amper 6 persent gestyg het. Oor die algemeen het die verslag uitgelig dat transaksievolumes met 15,5 persent oor 12 maande gestyg het. Die sentrale streek het die grootste markaandeel teen 40 persent gehandhaaf, gevolg deur die noorde op 36,5 persent, die kus op 20,7 persent en die suide op 2,8 persent.