Otjozondjupa-polisie waarsku oor swendelaars in GrootfonteinSeptember 12, 2025

NamPol in die Otjozondjupa-streek waarsku die publiek teen swendelaars wat tans boere, sakelui en gemeenskapslede in Grootfontein teiken. Tydens Augustus en vandeesmaand het verskeie mense in die omgewing die slagoffers geword van swendelaars wat polisiebeamptes en bankwerknemers verpersoonlik het, en verskillende selfoonnommers gebruik het. Veral mense wat sake by die polisie geopen het word geteiken, met die skelms wat hulle oorreed om selfoontransaksies uit te voer wat daartoe lei dat hulle groot bedrae geld verloor. In een geval is ‘n slagoffer van meer as 155 000 Namibiese dollar besteel. Die polisie het benadruk dat dit nie derde partye by ondersoeke betrek nie.