Cedric Willemse ontken hy het omkoopgeld ontvangSeptember 13, 2025
Die voormalige Namcor-bestuurder Cedric Willemse, wat na meer as twee maande in aanhouding op bedrog, korrupsie en ander aanklagte aansoek doen om borgtog, het Vrydag heftig ontken dat hy omkoop- en ander geld ontvang het van maatskappye. Die staat beweer hy het geld ontvang om toe te laat dat Enercon Namibië en Erongo Petroleum hul kredietlimiete by Namcor oorskry. Dit het gekom terwyl die staatsaanklaer, Basson Lilungwe, hom ondervra het oor die 266 miljoen Namibiese dollar wat Erongo Petroleum Namcor verskuldig was, terwyl dit ‘n kredietlimiet van 10 miljoen dollar by die staatsbeheerde brandstofonderneming gehad het. Die borg-aansoek gaan voort.