Sauma het kommer oor ‘gratis opleiding vir boere’September 22, 2025

Die Stampriet Aquifer Uranium Mining Association, Sauma, het sy kommer uitgespreek oor advertensies dat sekere omgewingskonsultante gratis opleiding vir kommersiële boere aanbied wat inligting verskaf oor hoe om met eksplorasielisensiehouers te werk. Dit is geadverteer van vandag tot 25 Oktober. Sauma sê dit is ongewoon vir ‘n omgewingskonsultant wat deur eksplorasielisensiehouers gekontrakteer word om omgewingsimpakstudies vir eksplorasielisensiehouers uit te voer en dan boere op te lei oor hoe om met die lisensiehouers te werk. Dit kan as ‘n botsing van belange beskou word. Die vereniging ‘n beroep op boere om waaksaam te bly om te verseker dat enige formele opleiding met betrekking tot die Wet op Omgewingsbestuur en sy regulasies, verskaf word deur toepaslik gekwalifiseerde persone met ‘n bewese rekord in Namibië.