Amushelelo, Nauyoma se eis oor aanhouding voor hofSeptember 23, 2025

Michael Amushelelo en Dimbulukeni Nauyoma se dagvaardiging van die ministerie van binnelandse sake kom vandag vir sy tweede dag van verhoor voor regter Natasha Bassingsthwaite voor. Die twee dagvaar vir hulle aanhouding van 21 Maart tot 12 Oktober 2023. Alle klagte teen hulle is laat vaar. Die twee sê hulle is uiters swak in die gevangenis behandel met Amushelelo wat aanvoer dat hy vir ‘n maand alleen aangehou is. Hy eis 6 miljoen Namibiese dollar in skadevergoeding en Nauyoma 4 miljoen dollar. Die saak word verdedig.