Gesondheid het nie kapasiteit vir Psema-lede nieOctober 2, 2025

‘n Nasionale Gesondheidsfasiliteitsassessering het groot leemtes in Namibië se openbare gesondheidstelsel aan die lig gebring, wat toon dat die meeste fasiliteite nog nie voorbereid is om staatsamptenare Psemas te akkommodeer nie. Dit kom na president Netumbo Nandi-Ndaitwah vroeër vanjaar gelas het dat alle staatsamptenare onder Psemas vanaf 2026 beperk sal wees tot die gebruik van openbare gesondheidsfasiliteite. Gesondheidsminister dr. Esperance Luvindao sê die opname het dringende tekortkominge geïdentifiseer, insluitend swak infeksievoorkoming en -beheer, nie-operasionele of onvoldoende mediese toerusting, personeeltekorte in kritieke dienste, inkonsekwente voorsiening van farmaseutiese produkte en swakhede in voorraadbestuur.