Guterres veroordeel gebeure in MadagaskarOctober 17, 2025

Die VN se sekretaris-generaal, Antonio Guterres, het die onlangse ongrondwetlike regeringsverandering in Madagaskar sterk veroordeel en ‘n beroep gedoen op die onmiddellike herstel van grondwetlike orde en respek vir die oppergesag van die reg. In ‘n verklaring, het hy steun uitgespreek vir die besluit van die Afrika-unie om Madagaskar te skors van deelname aan alle aktiwiteite van die unie en sy geaffilieerde instellings totdat grondwetlike orde herstel word. Hy het alle belanghebbendes in Madagaskar, insluitend die jeug, aangespoor om te verenig om die oorsake van die land se politieke onstabiliteit aan te spreek.