NamPol soek twee na ryloper beroof isOctober 24, 2025

Die polisie vra die publiek se hulp om twee verdagtes wat na bewering betrokke was by die aanranding en roof van ‘n ryloper, op te spoor. Volgens die polisieverslag het die 19-jarige slagoffer van Karibib na Usakos geryloop en ‘n motor met ‘n Mariental-registrasienommer het hom opgelaai. Op pad het twee passasiers hom aangerand en gedreig om hom te skiet as hy nie sy besittings oorhandig nie. Hulle het toe sy Itel-slimfoon, ‘n klein swart selfoon, 90 Namibiese dollar, ‘n paar wit sandale en baadjie met geweld afgevat. Hy het in Usakos na die polisie gegaan, wat die motor 20km buite die dorp op pad na Swakopmund gestop het. Twee 19-jarige verdagtes is gearresteer maar die bestuurder en ‘n vroue-passasier het weggejaag. Die Itel-foon en baadjie is teruggevind. Enigiemand met inligting moet die polisie dadelik kontak.